Najjače maškare na Pazinštini, one iz sela Ruhci na cesti Pazin – Tinjan, nisu ni ove godine zakazale.
-Vrime dela svoje i eko malo po malo doša je peti štajun. To je vrime ludovanja, fešte i zabave. Ali kako ni nikad, ni to lito ne more bez politike, kazao je u uvodnoj “šentenci” meštar od maškara Darko Rusac.
Ovogodišnji pust je ponovo 7-metarski, a zove se Luzer.
-Eko od niki dan imamo novega presednika, ali i staro sranje, pardon, staro stanje u državi. Naš pusni sud se vajka bori za pravdu, ali nas se ne čuje. Uni ki vode tu državu se svađaju ko dica, umisto da ča riše, a zdrugega kraja – prava dica ne znaju da li poj u školu i da li će tornat. Jopet razni ministri finjivaju po pržuni, a svi nevini, kazao je meštar Rusac.
Pusni sud odlučio je angažirati “svojega vokata” da “regula kažin”, a ime mu je Luzer. “Za sad ćemo ga vrč tote di mu je misto pa ima skoro dva miseca lazno. Sam je sve prihvatija, pa ku bude kiksa – zna ča ga čeka”, nastavio je Rusac, a nama se čini da ni ovaj pust nema svjetlu budućnost.
Mještani Ruhci nisu samo podigli pusta i otišli doma. Družili su se u društvenom domu čitavu večer uz čobanac, a isto tako i slastice koje su spremile mještanke. Bilo je veselo do dugo u noć uz usklik: “Živija pus!”.
Pogledajte galeriju fotografija
